ქვემოთ ცხრილში მოცემულია რეიტინგული სია უმცროსი და უფროსი ასაკობრივი კატეგორიებისთვის. ორივე კატეგორიის პირველი სამეული ჯილდოვდება სათანადო დიპლომით.

მიღებულია გადაწყვეტილება, რომ ნაკრების შესარჩევ შეჯიბრებაში დაშვებულ იქნენ ორივე ასაკობრივი კატეგორიის რეიტინგული სიის პირველი ექვსეული.
ამ 12 მოსწავლეთაგან შეირჩევა სანაკრებო ოთხეული. ნაკრების შესარჩევი შეჯიბრება გაიმართება 29 და 30 მაისს ორ ტურად საერთაშორისო ოლიმპიადის რეგლამენტით.
შეჯიბრებას ტრადიციულად უმასპინძლებს დემირელის კოლეჯი.
წლევანდელი 22-ე ინფორმატიკის საერთაშორისო ოლიმპიადა გაიმართება 14-21 აგვისტოს კანადის ქალაქ ვატერლოოში. ოლიმპიადის მასპინძელი იქნება ვატერლოოს უნივერსიტეტი, რომელიც მსოფლიოში ერთ-ერთი საუკეთესოა განსაკუთრებით ტექნოლოგიების მიმართულებებში.
ნაკრების მწვრთნელებისა და სანაკრებო მომზადების გეგმის შესახებ ინფორმაციებს მოგვიანებით გამოვაქვეყნებთ.
ოლიმპიადის დიპლომანტებს ვულოცავთ დამსახურებულ გამარჯვებას და ვუსურვებთ მომავალ წარმატებებს.